Voglio sapere a riguardo di…

3

Núm. 240 venres, 19 de outubro de 2018

BOP de Lugo
- Acordos ou actas da entidade acreditativas do funcionamento das vogalías ou departamentos específicos de muller.
- Calquera outro documento que se considere de interese para acadar unha mellor avaliación da solicitude.
b Asociacións non inscritas no Rexistro municipal de asociacións ou outras entidades públicas.
Deberán achegar a maiores da documentación sinalada anteriormente a seguinte documentación:
- Copia dos estatutos da entidade co selo do rexistro público correspondente.
- Se a entidade é unha fundación, deberá achegar acreditación de estar inscrita no Rexistro de fundacións da Xunta de Galicia ou estatal ou en ambos os dous.
- Se a entidade é de índole relixiosa, deberá achegar acreditación de estar inscrita no Rexistro de entidades relixiosas da Dirección Xeral de Cooperación Xurídica Internacional e Relacións coas Confesións ou en calquera outro rexistro público que a acredite como tal.
- Fotocopia do CIF da asociación ou entidade solicitante.
O Concello poderá solicitar, se así o estima oportuno para a resolución do procedemento, calquera outro documento que estime conveniente.
Artigo 6. Procedemento de tramitación e resolución das subvencións. Prazo de resolución O procedemento para a concesión das subvencións previstas nestas bases axustarase ao establecido nos artigos 26, 27, 28 e 29 da Ordenanza municipal de subvencións; nos artigos 20, 21, 22, 23 e 24 da Lei 9/2007, do 13
de xuño, de subvencións de Galicia, concordantes cos artigos 23,24,25 e 26 da Lei 38/2003, do 17 de novembro, xeral de subvencións coas seguintes precisións:
As solicitudes de subvencións que se formulen de acordo con estas bases, unha vez anotadas no Rexistro xeral de entrada, seranlles remitidas a Servizos Sociais para a súa tramitación e resolución.

Composición:
PRESIDENTE/A:
Un/ha técnico/a adscrita ao servizo de Benestar social Igualdade e Inclusión ou persoal que o substitúa.
VOGAIS:
Un/Unha técnico/a do servizo de servizos sociais ou persoal que o substitúa.
Titular do órgano de apoio a Xunta de Goberno Local Vicesecretaria ou persoa que o substitúa.
Un/ha técnico/a do Servizo de Intervención ou persoal que o substitúa.
SECRETARIA: Un/unha funcionario/a municipal que actuará, con voz e sen voto e que levantará acta da xuntanza da comisión avaliadora.
Son funcións desta Comisión Avaliadora emitir o ditame no que concrete o resultado da avaliación efectuada á vista dos expedientes e en aplicación dos criterios de valoración establecidos no artigo 8 destas Bases - Órgano instrutor: Será un técnico/a do Servizo Municipal de Servizos Sociais.
Son funcións do órgano instructor:
- Requirirlle á entidade solicitante naqueles supostos nos que a documentación presentada resulte incompleta e/ou defectuosa para que no prazo de dez días hábiles emende as deficiencias observadas, de conformidade e cos efectos previstos no artigo 21 da Lei 39/2015, de réxime xurídico das administracións públicas e do procedemento administrativo común, considerándose desistida do seu dereito se transcorrido o prazo non atende ao requirido.
- Requirir os informes precisos e efectuar as comprobacións que estime oportunas a fin de verificar os datos achegados para una mellor valoración das solicitudes.
- Realizar a preavaliación das solicitudes verificando o cumprimento das condicións impostas para adquirir a condición de beneficiaria/o e efectuar a avaliación conforme aos criterios, formas e prioridades dispostos na convocatoria, elevando o correspondente informe á comisión de valoración de cada un dos expedientes.
- Formular proposta de resolución , á vista do ditame da Comisión Avaliadora, e elevala ó organo competente para resolver.
No referente ao órgano competente para a tramitación e resolución deste expediente, subvencións en réxime de concorrencia competitiva, a Xunta de Goberno Local resérvase, segundo acordo 4/455 de data sete de xullo de dous mil quince, o exercicio das atribucións referentes á concesión de subvencións disposición do gasto nos expedientes de subvencións tramitados en réxime de concorrencia competitiva.

Anuncio publicado en: Num BOP 240 año 2018 19/10/2018
18/10/2018 08:00:00
11:55:07

- Comisión de avaliadora.