Quiero saber acerca de...

7

Núm. 177 venres, 3 de agosto de 2018

BOP de Lugo
OITAVO.- AVALIACIÓN DAS SOLICITUDES
A área de Innovación, Participación Cidadá, Mocidade e Deporte desta Deputación Provincial de Lugo será a encargada de instruír e tramitar os respectivos expedientes. Para tal efecto constituirase unha Comisión de Avaliación que se encargará da valoración das solicitudes presentadas e formulará unha proposta a través do órgano instrutor consonte ao disposto no Artigo 24 da Lei 38/2003, do 17 de novembro, Xeral de Subvencións.
A devandita Comisión atenderá o principio de representación paritaria e estará composta por tres funcionarios/as da Deputación de Lugo, a Sra. Interventora e Sr. Secretario Xeral da Deputación Provincial.
As regras de funcionamento da Comisión serán as recollidas na Lei 40/2015, do 1 de outubro, de réxime xurídico do sector público.
Os funcionarios da Deputación que se integrarán na sinalada Comisión de avaliación serán designados por Resolución da Presidencia, que precisará quen ostentará a Presidencia.
Revisados os expedientes e completados, de ser o caso, remitiranse á Comisión de Valoración para que esta proceda á súa avaliación e informe, no que se concretará o resultado da avaliación efectuada.
A Comisión de avaliación resolverá e incluirá no seu informe, de ser o caso, aquelas dúbidas que puidesen xurdir na aplicación dos criterios establecidos.
O órgano instrutor, elevará á Xunta de Goberno da Deputación para a súa aprobación o informe da comisión de valoración xunto coa proposta de resolución.
A proposta, que non terá carácter vinculante, deberá expresar o/a solicitante ou a relación de solicitantes para os que se propón a concesión da bolsa, e a súa contía, debendo facer constar de xeito expreso a desestimación do resto das solicitudes, se e o caso, segundo os principios de publicidade, transparencia, concorrencia, obxectividade, igualdade e non discriminación, establecendo a orde de puntuación para os posíbeis bolseiros/as suplentes.
Á Área de Deporte, poderá nese caso propoñer, de así o considerar, -e para os efectos indicados de se producir algunha renuncia-, a asignación de bolsa ao bolseiro/a suplente de acordo co mencionada listaxe e coa puntuación obtida por cada un dos/das solicitantes, con data límite 31/12/2018 e tendo en conta o crédito dispoñible.
O prazo máximo para resolver o procedemento,será como máximo, de tres meses e en todo caso, antes do 31
de decembro de 2018. Transcorrido o citado prazo sen que se adopte resolución expresa, entenderase desestimada.
A aceptación da bolsa concedida entenderase efectuada se no prazo de 15 días hábiles contados a partir do seguinte hábil ao da notificación da resolución non renunciaran a ela expresamente mediante escrito dirixido á Área de Innovación, Participación Cidadá, Mocidade e Deportes.
NOVENO.- CRITERIOS DE VALORACIÓN
Os criterios de valoración están divididos en 4 apartados:
A.- PALMARÉS
B.- RANKING OFICIAL
C.- PARTICIPACIÓN EN PROBAS FEDERADAS
D.- OUTRAS VALORACIÓNS
A.- PALMARÉS
A.1.- PALMARÉS TÍTULOS NACIONAL / AUTONÓMICO GALEGO ABSOLUTOS
Neste apartado, computarase por cada título obtido polo/a solicitante 1º, 2º e 3º posto durante a súa carreira deportiva segundo o cadro que se indica, sempre que se acredite pola Federación de Automobilismo correspondente.
Valoraranse coa correspondente puntuación exclusivamente os tres primeiros postos.